سعاد حسنى - بانو

1:38 م








بانو بانو بانو
علي اصلكوا بانو
والساهي يبطل سهيانه
ولا غني ولا صيت
دولا جنس غويط
وكتاب مايبان من عنوانه
بانو ايوه بانو
جربنا الحلو المتعايق
ابو دم خفيف
وبقينا معاه اخوه شقايق
فاكرينه شريف
اتاريه مش كده علي طول الخط
الطبع الرضى من جواه نط
خلاص بقى مهما انشال واتحط
مفيش دمعه حزن عشانه
بانو بانو بانو
علي اصلكوا بانو
وعرفنا سيد الرجاله
عرفنا عين الاعيان
من بره شهامه واصاله
تشوفه تقول اعظم انسان
انما من جوة ياعينى عليه
بياع ويبيع حتى والديه
واهو ده اللى اتعلمنا على ابديه
القهر وقوه غليانه
بانو بانو بانو
علي اصلكوا بانو
دورو وشكو عنى شويه
كفيانى وشوش
ده اكم من وش غدر بيا
ولا ينكسفوش
وعصير العنب العنابى .. العنابى
نقطه ورا نقطه ياعذابى .. يا عذابى
يكشفلى حبايبى واصحابى
يوحدنى وانا فى عز شبابى
القلب على الحب يشابى
والحب بعيد عن اوطانه
بانو بانو بانو
علي اصلكوا بانو
اهو كدة بانو
على اصلكوا بانو

----------------------------------
أغنيــــة : #بانو_بانو
كلمـــات : #صلاح_جاهين
ألحـــــان : #كمال_الطويل
غنـــــــاء : #سعاد_حسنى
من فيلـم : #شفيقة_و_متولى
تاريـــــــخ : 1978

أترك تعليقًا

هناك تعليق واحد:

الاشتراك في: تعليقات الرسالة ( Atom )
يتم التشغيل بواسطة Blogger.