مطربة الأجيال وردة - ولاد الحلال
الزمن مبقاش حبيبنا والسنين قالت تعبنا
والليالي الحلوه عدت ايوه عدت عرفت الايام تصيبنا
و رووح ياقلبي وقول يا عيني فرقوا بينك وبيني
وحنا معرفناش نفرق مين حبيبنا ومش حبيبنا
ناس مبتحبش راحتنا ناس كل يوم قاعدين ف بيتنا
ويسمعوا ويجيبوا ف سيرتنا كل يوم
نعمل ايه سكتنا حدفتنا على ولاد الحلال ..
يا زمان ياللي ظلموك من زمان يا زمان يا
يا زمان قد ما حبوك بيرضوك يا زمان
حبيناهم جرحونا الله يسامحهم
وان عاتبناهم يقولوا دا الزمان
لسه بتقولوا الزمان مالوش أمان
الزمان والسنين دحنا يا ناس طيبين
دي العشرة غالية غالي لو في ناس يئتمنوا
والحب أغلى لللي يعرف تمنو
يا تري هم الليله دي عند مين ياترى
هيشوفوا لهم ناس يكونوا سهرانين
يا تري هم الليله دي عند مين ياترى
ناس ياعيني زينا يشتكولهم مننا
بس بعد ما يطلعوا من عندهم يبتدوا يشكو ويحكوا عنهم
يا تري هم الليله دي عند مين ياترى
ياحبيبي دي الليالي الحلوه كانت حلوه بينا ياحبيبي
ياحبيبي دي الليالي الحلوه كانت غنوه لينا ياحبيبي
واما سهرنا معاهم ، قالوا وصدقناهم
اتغيرت الليالي ياعيني و طلعوا ناس ياعيني مالهومش غالي
كلمات : سيد مرسي
ألحان : بليغ حمدي
حفل الجزائر عام 1976
أترك تعليقًا