محمد قنديل - على فكرة ازيهم
على فكــــرة ازيهم .. وازي ضيــــهم
عنيك الحلوين دولا ما شفتش زيهم
***
علشـان مقسـوملي هواهم صادفوني في سكتي
حبيت من أول نظـــرة بسلامة نيتي
أتاريني كان مكتوبلي أتهنى ف دنيتي
الدنيـــــــا احلوت لما بقـــوا هم غيتي
وبعدنــــــا عنهم، لا شبعنـــــا منهم
و لا طيقنا بعدهم.. على فكــرة ازيهم
***
أنا فاكر أول نظرة جه ف قلبــــــي سهمهــا
قلبي دلوقتي فاكرها مش ناسي رسمـــــــها
حسيت من يومها بحـاجة ما عرفتش اسمها
ما سبقش لقلبي صــادفها و لا دقتش طعمها
والفكــــرة انهـم، ما كانش قصدهـم
كان غصب عنهـم.. على فكــرة ازيهم
***
مش لسة بنظـــرة منهم وبغمزة يحيروا
مش لسة رموشهم برضه لو دابوا يسهّروا
ده انا لسة عينيــا ليهم بيحنــوا ويسهروا
ولا احنا عشان بعدنـــا ما بقوش بيفكروا
ولا حـــــد يهمهم، اكمنــــــــي بحبهم
واهه بسـأل عنهم.. على فكـــرة ازيهم
كلمات : عبدالله احمد عبدالله
ألحان : امين عبدالحميد
أترك تعليقًا